Azaraŭ raspradaje abstalavańnie «Bajpoła»?
Siarod internet-łotaŭ i ofisnaja technika, i rečy vajennaha pryznačeńnia.
03.09.2024 / 11:33
Alaksandr Azaraŭ
Internaŭty źviarnuli ŭvahu na śpis rečaŭ, jakija pradaje na polskim servisie OLX (anałah biełaruskaha «Kufara» ci barachołki «Anłajniera») karystalnik Aliaksandr. Čałaviek, nik jakoha supadaje ź biełaruskim pašpartnym napisańniem imia Alaksandr, vystaviŭ na prodaž taktyčnaje abstalavańnie i ofisnuju techniku. Pa ŭskosnych śviedčańniach možna być peŭnym, što heta nasamreč majomaść «Bajpoła». A miarkujučy pa tym, što lidar «Bajpoła» — Alaksandr Azaraŭ, pretenzii byli vystaŭlenyja mienavita jamu.
Samy darahi łot — spadarožnikavy telefon Iridium 9555, za jaki prosiać bolš za 900 jeŭra.
Amal stolki ž kaštuje vialiki manitor. Uśled iduć televizar, mikrafon, noŭtbuk, pryntar, siejf i šmat inšaha ofisnaha abstalavańnia.
Ale pytańni ŭ internaŭtaŭ pieradusim da tavaraŭ vajskovaha pryznačeńnia — taktyčnyja kamizelki, sumki i remieni, kišennyja nažy, abarončyja akulary, bandaž, kabura. Nie da kanca zrazumieła, ci to jany zakuplalisia «Bajpołam» dla svaich budučych patrebaŭ, ci to pryznačalisia dla biełarusaŭ va Ukrainie.
«Naša Niva» druhi dzień sprabuje atrymać kamientar ad Alaksandra Azarava. Pakul jon tolki adkazaŭ, što znachodzicca ŭ adpačynku. Kali Azaraŭ vykažacca nakont situacyi, my apublikujem jaho mierkavańnie.
Radzina raić Łatušku i Azaravu: Pa-pieršaje, pakajciesia. Pa-druhoje, nie leźcie ŭ lidary
Azaraŭ — pra aktyvista Hleba Sandrasa: «Nie prajšoŭ palihraf na supracu z režymam»
Palityka sprava moža i brudnaja, ale miesca maralnym normam jość i ŭ joj. Razvahi da kiejsa Azarava