У Шчучыне жанчына выкінула з балкона гарбуз — той прызямліўся акурат на дах аўто
У нядбайнай гаспадыні — крымінальная справа.
03.09.2024 / 13:14
Фота: Гродзенская міліцыя
39-гадовая жанчына наводзіла парадак у кватэры. Дайшоўшы да балкона, яна знайшла там гарбуз. Цывілізавана выкідаць плод гаспадыня не стала, а вырашыла шпурнуць яго з балкона, паведамляе абласная міліцыя.
Гэта аказалася фатальнай памылкай: гарбуз прызямліўся проста на дах прыпаркаванага Volkswagen.
Гаспадар машыны, калі выявіў рэшткі плоду на машыне, звярнуўся ў міліцыю. Зламысніцу аператыўна знайшлі супрацоўнікі крымінальнага вышуку.
Жанчына прызналася ў зробленым і раскаялася, але гэта не выратавала ад крымінальнай справы аб хуліганстве.