58-hadovuju ajcišnicu buduć sudzić za «sadziejničańnie ekstremisckaj dziejnaści»
Sutnaść spravy nieviadomaja. Natalli Davydka pahražaje da siami hadoŭ kałonii.
05.09.2024 / 07:00
Natalla Davydka. Fota ź jaje fejsbuka
Natalli Davydka 58 hadoŭ. Rodam jana ź vioski Korań Łahojskaha rajona Minskaj vobłaści. Pa źviestkach prajekta Digital intelligence team, paśla škoły jana skončyła Minski radyjotechničny instytut (ciapier — BDUIR) i pajšła pracavać prahramistkaj.
Raniej jana pracavała na dziaržaŭnych pradpryjemstvach — naprykład, u 2014 na MAZie jak inžynier-prahramist. Ale paśla pierajšła ŭ pryvatnaje IT, apošnim časam da zatrymańnia Natalla pracavała ŭ kampanii Solbeg. Paśla pačatku vajny kampanija pieraniesła značnuju častku supracoŭnikaŭ za miažu, ale, miarkujučy pa sacsietkach, Natalla zastałasia ŭ Biełarusi.
Sud nad žančynaj pačniecca 16 vieraśnia ŭ Minskim haradskim sudzie. Jaje abvinavačvajuć va ŭdziele ŭ pratestach (č. 1 art. 342 KK) i «sadziejničańni ekstremisckaj dziejnaści» (č. 1 i 2 art. 361-4 KK). Joj pahražaje da siami hałoŭ kałonii.
Sudzić Natallu budzie Viera Hałaŭkova. Jana vyniesła dziasiatki palityčnych prysudaŭ pačynajučy z 2016 hoda.
Sudździa Viera Hałaŭkova. Fota: Ukantakcie