Źmianilisia praviły znachodžańnia biełarusaŭ u Kyrhyzstanie. Stanie składaniej
U Kyrhyzstanie z 5 vieraśnia źmianiajecca paradak rehistracyi hramadzian krain ź biaźvizavym režymam, da jakich naležyć i Biełaruś. Ciapier zarehistravacca ŭ krainie budzie mahčyma tolki na padstavie DNŽ abo adnaho z paśviedčańniaŭ, paviedamili ŭ Ministerstvie ličbavaha raźvićcia krainy.
03.09.2024 / 16:16
Stalica Kyrhyzstana Biškiek. Fota: Getty Image
Raniej hramadzianie biaźvizavych krain, u tym liku Biełarusi, mahli zarehistravacca ŭ Kyrhyzstanie na termin 6 miesiacaŭ z pravam dalejšaha praciahvańnia ŭ zaležnaści ad mety znachodžańnia.
Z 5 vieraśnia rehistracyja albo jaje praciahvańnie mahčymyja tolki na padstavie dazvołu na žycharstva, paśviedčańnia asoby biez hramadzianstva, paśviedčańnia «Kajryłman» (etničnyja kyrhyzy) abo paśviedčańnia «Miekien-kart» (inšaziemcy, jakija raniej mieli hramadzianstva Kyrhyzstana).
«Takim čynam, hramadzianie dziaržaŭ — členaŭ JEAES (Armienija, Biełaruś, Kazachstan, Rasija) biez afarmleńnia dakumientaŭ mohuć znachodzicca sumarna da 90 dzion na praciahu kožnaha 180-dzionnaha pieryjadu z momantu ŭjezdu ŭ krainu», — paviedamili ŭ viedamstvie.
Paśla zakančeńnia hetaha terminu biełarusy, jakija nie prajšli rehistracyju, buduć abaviazanyja vyjechać za miežy Kyrhyzstana i zmohuć ujechać paŭtorna na terytoryju krainy tolki praz 90 kalandarnych dzion.
Kali inšaziemcy ź biaźvizavych krain znachodziacca na terytoryi Kyrhyzstana ŭ pryvatnych metach, dla ich praduhledžanyja afarmleńnie i vydača časovaha dazvołu na žycharstva, jaki vydajecca na praciahu 15 dzion z terminam dziejańnia na hod z nastupnym štohadovym praciahvańniem, ale nie bolš za 5 hadoŭ.
U Kyrhyzstanie zajavili pra sprobu dziaržaŭnaha pieravarotu
Skandał u Kyrhyzstanie z-za zaručyn plamieńnicy prezidenta Žaparava. Tamu pryjšłosia vybačacca