У Мінску 20-гадовы рабочы зваліўся з сёмага паверха ў ліфтавую шахту
Няшчасце здарылася на ўзвядзенні аб'ектаў у «Паўночным берагу».
04.09.2024 / 10:55
Фота: СК
3 верасня 20-гадовы мантажнік, выконваючы работы па ўстаноўцы ліфтавай лябёдкі на 7 паверсе, зваліўся ў шахту. Са шматлікімі траўмамі ён шпіталізаваны, паведамляе СК.
Вядома, што хлопец з напарнікам спрабавалі прымацаваць лябёдку да верхняй бэлькі. Падчас работ яна сарвалася з крукоў і прабіла драўляны насціл, які прыкрываў ліфтавую шахту.
Мантажнік не быў прышпілены страховачным тросам і зваліўся ўніз.