Мінскі падлетак пашкодзіў 11 машын на паркоўцы
У аператыўна-дзяжурную службу Першамайскага РУУС звярнуліся жыхары раёна, аўтамабілі якіх невядомыя пашкодзілі ў начны час.
04.09.2024 / 11:09
Хутка зламысніка і затрымалі, паведамляе тэлеграм-канал «Міліцыя Мінска». Ім аказаўся 16-гадовы першакурснік адной з вышэйшых замежных навучальных устаноў.
Ідучы дадому пасля сустрэчы з таварышам, здымаў з аўтамабіляў нумарныя знакі і разбіваў шыбы.
Свае дзеянні хлопец патлумачыў тым, што быў у стане алкагольнага ап'янення. Сума нанесенай шкоды ўстанаўліваецца. Яе давядзецца кампенсаваць непаўналетняму і яго бацькам.
Заведзена крымінальная справа за хуліганства.