Maksim Ryžankoŭ palacić na Hienasambleju AAN u Ńju-Jorku
Ministr zamiežnych spraŭ Maksim Ryžankoŭ pryznačany kiraŭnikom delehacyi aficyjnaha Minska, jakaja voźmie ŭdzieł u 79-j siesii Hienieralnaj Asamblei Arhanizacyi Abjadnanych Nacyj u Ńju-Jorku. U skład delehacyi budzie ŭvachodzić i jahony namieśnik Juryj Ambrazievič, piša «Biełpoł».
04.09.2024 / 14:36
Maksim Ryžankoŭ. Fota: BiełTA
Z 24 pa 30 vieraśnia ŭ štab-kvatery AAN budzie prachodzić asnoŭnaja častka zapłanavanych mierapryjemstvaŭ vysokaha ŭzroŭniu, padčas jakich Ryžankoŭ maje namier padniać šerah pytańniaŭ, jakija cikaviać Łukašenku.
Pavodle infarmacyi «Biełpoła», asnoŭnymi temami stanuć:
- «mihrancki kryzis» na miežach Biełarusi i ES;
- abmiežavańnie ruchu i zakryćcio pamiežnych punktaŭ propusku;
- sankcyi i ich ustojlivy niehatyŭny ŭpłyŭ na ekanomiku Respubliki Biełaruś.
U vyniku hałoŭnaj metaj Ryžankova budzie sproba znoŭ «pieraharnuć staronku», z uporam na «dyjałoh z usimi krainami, na pryncypach uzajemnaj pavahi i niedyskryminacyi» (h.zn. lehitymizacyja režymu Łukašenki i źmiakčeńnie mižnarodnych sankcyj). U ramkach kułuarnych sustreč Ryžankoŭ taksama spadziajecca pravieści asobnuju sustreču z Hienieralnym sakratarom AAN Antoniu Huteryšam, zaznačaje abjadnańnie byłych siłavikoŭ.
Taksama paviedamlajecca, što Ryžankoŭ z 10 pa 13 vieraśnia adpravicca z rabočym vizitam u Hankonh dla ŭdziełu ŭ 9-m samicie inicyjatyvy «Pojas i šlach».
U zadaču Ryžankova budzie ŭvachodzić praviadzieńnie dvuchbakovych sustreč z pradstaŭnikami KNR i demanstracyja «asablivaha statusu biełaruska-kitajskich adnosin».
U chodzie pieramoŭ płanujecca padniać pytańnie pašyreńnia tak zvanaha «vajennaha supracoŭnictva» z Kitajem.