U Breście za ŭdzieł u paślavybarčych pratestach sudziać adrazu 11 čałaviek
Papiarednie ŭsich sudziać za ŭdzieł u akcyi pratestu 10 žniŭnia 2020 hoda
04.09.2024 / 15:33
U sudzie Bresckaha rajona pavodle č. 1 art. 342 Kryminalnaha kodeksa (aktyŭny ŭdzieł u dziejańniach, što hruba parušajuć hramadski paradak) pačali sudzić 11 miascovych žycharoŭ.
Heta Illa Sabko, Alaksandr Zajcaŭ, Mikałaj Kapluk, Kirył Jeŭtyšyk, Mikałaj Misiuk, Artur Zaremba, Dźmitryj Łysiuk, Aleh Bandaruk, Michaił Vieramčuk, Dźmitryj Sałaviejka, Dzianis Jakavienka. Ź niekatorymi ź ich publikavalisia «pakajalnyja videa».
Pavodle infarmacyi «Bieraściejskaj Viasny», papiarednie ŭsich sudziać za ŭdzieł u akcyi pratestu 10 žniŭnia 2020 hoda.
Masavuju spravu razhladaje Siarhiej Maručak, jaki ŭ 2021 hodzie vynies prysud adrazu 12 čałaviekam pa «spravie karahodaŭ». Ahułam za bresckuju akcyju pratestu, jakaja adbyłasia 10 žniŭnia 2020 hoda, pavodle art. 342 i 293 asudzili ŭžo 107 čałaviek.