Vykankamy atrymali listy ad fejkavaha KDB
Vykankamy i niekatoryja arhanizacyi Minskaj vobłaści atrymali listy z patrabavańniem raźmiaścić na svaich sajtach spasyłki na sajt, telehram-kanał i telehram-bot KDB i padać pra heta spravazdaču na praciahu siami dzion. List nibyta padpisany staršynioj KDB Ivanam Ciercielem, piša Reform.news.
04.09.2024 / 16:10
Praŭładnyja kanały papiaredžvajuć, što list źjaŭlajecca fejkam, i prosiać nie pierachodzić pa spasyłkach.
«Tut i stylistyka z afarmleńniem zusim mima, i rehistracyjny numar niapravilny, i podpis Ivana Cierciela nie taki», — zajaŭlajuć prapahandysty.
Pa paznačanym u liście adrasie sajta raźmieščanaja zahałoŭnaja staronka, jakaja nahadvaje stary sajt KDB (jon dahetul nie pracuje paśla ataki «Kibierpartyzan»). Usie astatnija raździeły sajta nie pracujuć.
Skrynšot sajta
Pieršy zapis u fejkavym telehram-kanale byŭ raźmieščany 29 žniŭnia. Kanał składajecca sa źviazanych z KDB navin i pierapostaŭ prapahandysckich resursaŭ. Siońnia aŭtary taksama pierapościli navinu pra toje, što kanał źjaŭlajecca fejkam, i raźmiaścili spasyłku na fejkavyja bot i sajt.
Skrynšot telehram-kanała
«Zdaryŭsia paciešny momant». Akcior Aleh Harbuz zhadaŭ, jak jaho vyklikali ŭ KDB