Ukrainskija vajskovyja daktary vyratavali ciažarnuju žycharku Sudžy — jany advieźli jaje naradžać u Sumy
Pa słovach svajakoŭ 20-hadovaj sudžanki, biez dapamohi ŭkrainskich vajskoŭcaŭ jana b zahinuła.
04.09.2024 / 17:56
Skrynšot videa TSN
Siamja Fursavych žyvie ŭ Sudžanskim rajonie Kurskaj vobłaści, jaki ciapier kantralujuć ukrainskija vajskoŭcy. 20-hadovuju ciažarnuju Juliju, jaje 10-hadovaha brata Antona i baćkoŭ Alenu i Andreja ličyli źnikłymi bieź viestak z 6 žniŭnia.
Jak raskazaŭ znajomy siamji, žančynu razam z maci advieźli naradžać va Ukrainu. U Sumach Julija naradziła syna Michaiła. Ludziam dazvolili patelefanavać dadomu i paviedamić pra svajo miescaznachodžańnie. Paśla rodaŭ siamju advieźli nazad u Lebiedzieŭku, jakaja znachodzicca pad kantrolem USU, piša «7ch7».
Na ŭkrainskim telebačańni 3 vieraśnia vyjšaŭ repartaž pra siamju Fursavych. Maci Julii raskazała, što žančyna pamierła b pry rodach, kali b joj nie dapamahli ŭkrainskija vajskovyja daktary. Julija naradžała raniej za termin z-za niervaŭ.
Siastra Julii Lidzija Hrydzina ŭ sacsietkach źviarnułasia da Uładzimira Pucina i zaklikała damovicca z Ukrainaj pra «zialony kalidor» dla evakuacyi žycharoŭ Sudžanskaha rajona. Usiaho ŭ Lebiedzieŭcy znachodziacca 43 čałavieki.
Zialenski zajaviŭ, što ziemli na Kurščynie Ukrainie nie patrebnyja, ale ich buduć utrymlivać
Pucin paabiacaŭ razabracca z «bandytami, jakija zabralisia ŭ Kurskuju vobłaść»