Грамадства

У маладзечанскай гімназіі ўвялі адзіную форму для настаўнікаў

Рашэнне аб форме ў маладзечанскай гімназіі №6 імя Сцяпана Дзямешкі прынялі яшчэ вясной, падчас педсавета, піша «Маладзечанская газета». Цяпер жа гэтую ідэю рэалізавалі. 

Дырэктарка гімназіі расказала, што на сходзе яна прапанавала калегам цэнтралізавана закупіць беларускую тканіну з добрай якасцю і пашыць адзіную форму — дзелавы касцюм у адзіным колеры або агульны элемент. Па словах дырэктаркі, ідэю падтрымалі.

Строгіх патрабаванняў да формы нібыта не было. Кожны настаўнік выбіраў сабе ўпадабаны від адзення, а потым заказваўся ягоны пашыў. Галоўнае, каб адзенне адпавядала афіцыйна-дзелавому стылю і мела адзіны колер.

Ролік у тыктоку «Маладзечанскай газеты», прысвечаны адзінай форме для настаўнікаў, набраў амаль 170 тысяч праглядаў. Каментары да яго палярныя — адныя ідэю ўхваляюць, іншыя абураюцца. 

Каментары да артыкула