Za dapamohu palitviaźniam i «zakliki da sankcyjaŭ» sudziać byłuju rabotnicu Nacyjanalnaj biblijateki
Ajcišnicu Ksieniju Sušu zatrymali padčas abłavy na ludziej, jakija dapamahali palitviaźniam. Joj pahražaje da dvanaccaci hadoŭ kałonii.
04.09.2024 / 21:33
Ksienija Suša, fota ź jaje staronki ŭ fejsbuku
Ksienii Sušy 41 hod. Jana ŭ 2007 hodzie skončyła mahistraturu Biełaruskaha dziaržaŭnaha ŭniviersiteta kultury i mastactvaŭ.
Padčas vučoby pracavała navukovym redaktaram u vydaviectvie «Biełaruskaja encykłapiedyja». U 2005 pryjšła ŭ Nacyjanalnuju biblijateku i adpracavała tam da listapada 2021 hoda. Paśla pierajšła ŭ IT i dva hady da zatrymańnia była teściroŭščycaj u IDT, vialikaj mižnarodnaj IT-kampanii ź filijałami ŭ bolš čym 20 krainach.
U Ksienii jość muž, niepaŭnaletnija dačka i syn.
Ksieniju Sušu zatrymali 23 ci 24 studzienia 2024 hoda. Jaje pačali sudzić 2 vieraśnia ŭ Minskim haradskim sudzie. Abvinavačvajuć u «zaklikach da sankcyjaŭ» (č. 3 art. 361 KK) i «sadziejničańni ekstremisckaj dziejnaści» (č. 1 i 2 art. 361-4 KK). Ksienii pahražaje ad čatyroch da dvanaccaci hadoŭ kałonii.
Sudzić jaje Śviatłana Čarapanava. Heta ŭdarnica palityčnych prysudaŭ, jakoj my pryśviačali asobny artykuł.
Palinu Šarendu-Panasiuk pavieźli na sud u Rečycu. Jaje stan pahoršaŭ