Да канца 2024 года ў Беларусі памяняюць сістэму рэгулявання цэн
Пра тое, што ў Беларусі да канца 2024-га распрацуюць новую сістэму цэнавага рэгулявання, паведаміў на міжнародным форуме «Трэйд дыялог» міністр антыманапольнага рэгулявання і гандлю Аляксей Багданаў, піша БелТА.
04.09.2024 / 18:23
Фота ілюстрацыйнае
Багданаў звярнуў увагу на тое, што сістэма цэнавага рэгулявання, уведзеная ў канцы 2022 года, пастаянна патрабуе трансфармацыі і развіцця. Пры гэтым ён адзначыў, што ў эканоміцы Беларусі ўсё пастаянна мяняецца, адчуваецца ўплыў знешніх фактараў, і ўлады павінны аператыўна рэагаваць на зменлівую эканамічную сітуацыю.
Таму ўжо цяпер ідзе распрацоўка карэкціровак у пастанову Саўміна аб цэнавым рэгуляванні (№713). Пры гэтым МАРГ прапануе ўнесці змяненні ў найбліжэйшы час.
Пакуль, аднак, гэта будуць невялікія тэхнічныя змены, але ў цэлым стаіць задача на 2025 год распрацаваць пэўны дакумент, які забяспечвае «справядлівае цэнаўтварэнне ў інтарэсах дзяржавы і народа».
«Да канца года трэба выпрацаваць новую сістэму цэнавага рэгулявання, якая дазволіць забяспечыць, магчыма, без такіх жорсткіх мераў, захаванне тых жа прынцыпаў справядлівага цэнаўтварэння, як і сёння», — адзначыў міністр.
Аляксей Багданаў растлумачыў, што ўрадавая пастанова закранае ўсіх удзельнікаў гандлёвага працэсу: ад вытворцаў і імпарцёраў да рознічнага звяна. Пры гэтым найбольш строгае рэгуляванне атрымала гандлёвае звяно ў выглядзе гранічных надбавак. А вось у вытворцы ёсць магчымасць павысіць цэны на тавары пры ўзгадненні з дзяржорганамі і наяўнасці эканамічнага абгрунтавання.
Багданаў сцвярджае, што пастанова Саўміна №713 дасягнула мэты, пастаўленай Лукашэнкам, калі забяспечана цэнавае рэгуляванне і выконваюцца параметры па інфляцыі.
«Насельніцтва і бізнэс гэта разумеюць. У цэлым мы бачым па рэнтабельнасці вытворцаў і гандлю, што «тлушч зрэзалі», але праца ідзе», — падкрэсліў чыноўнік.
Таксама ён паведаміў пра зніжэнне колькасці стратных арганізацый гандлю ў першым паўгоддзі 2024-га.
Такога ў райцэнтрах яшчэ не было. У Смаргоні пустуючы завод ператварылі ў велізарны гандлёвы цэнтр
«Ну, і што?» Міністра гандлю загналі ў тупік «неканструктыўным» пытаннем пра дзяржрэгуляванне цэн
На беларускі тытунёвы рынак выйшаў гулец з Расіі