Гомельскія сілавікі прымусілі затрыманага «за падпіску» расказаць пра сэксуальную арыентацыю
Пра чарговага затрыманым за падпіску на паблік, унесены ў «спіс экстрэмісцкіх матэрыялаў», паведаміў канал гомельскіх сілавікоў і апублікаваў відэадапытанне. Сілавікі прымусілі мужчыну расказваць пра сваё асабістае жыццё і прызнацца ў сваёй нетрадыцыйнай сэксуальнай арыентацыі, піша «Флагшток».
04.09.2024 / 20:28
Як высветліў «Флагшток», гэта 30-гадовы мужчына, мяркуючы па яго старонках у сацсетках — царкоўны служыцель (прынамсі ў мінулым) Беларускай праваслаўнай царквы.
Мужчына сказаў, што быў падпісаны на старонку «Чай з малінавым варэннем» у сацсетцы VK. Сілавік (верагодна, супрацоўнік 8-га ўпраўлення ГУБАЗіК МУС Гомельскага аблвыканкама) праводзіць старанны допыт і задае асабістыя пытанні: колькі затрыманы меў сэксуальных кантактаў з мужчынамі, як знаходзіў партнёраў.
Пры гэтым на відэа не быў зарэтушаваны твар мужчыны — у адрозненне ад папярэдніх падобных ролікаў. Верагодна, супрацоўнікі міліцыі зрабілі гэта спецыяльна, каб ускладніць жыццё затрыманаму.
Гэта не першы выпадак, калі сілавікі ў Беларусі наўмысна зневажаюць затрыманых у сувязі з іх сэксуальнай арыентацыяй і прымушаюць расказваць пра гэта.
Затрымалі мінчука Ігара Драбышэўскага за «заклікі да пратэсту»
Паліну Шарэнду-Панасюк павезлі на суд у Рэчыцу. Яе стан пагоршаў