Čatyry biełaruskija kampanii trapili ŭ top-50 najbujniejšych zamiežnych pradpryjemstvaŭ u Rasii
Časopis Forbes apublikavaŭ rejtynh 50 najbujniejšych zamiežnych kampanij u Rasii pa vynikach pracy za 2023 hod. U jaho trapili čatyry kampanii ź Biełarusi. Na heta źviarnuła ŭvahu «Ekonomičieskaja hazieta».
04.09.2024 / 21:22
Fota ilustratyŭnaje
Analityki z Forbes źviartajuć uvahu, što na źmienu zachodniamu biznesu, jaki pajšoŭ z Rasii, prychodzić kitajski. Akramia taho, pašyrajecca prysutnaść tam biełaruskaha biznesu.
Kali ŭ 2022 hodzie ŭ rejtynh nie trapiła nivodnaja kampanija ź Biełarusi, to praz hod ich było dźvie — «BiełAZ Chołdynh» (38 miesca ŭ rejtynhu) i hrupa Santa (39 miesca).
U novym rejtynhu ŭžo čatyry biełaruskija kampanii. Da «BiełAZ Chołdynh» (28 miesca i 88,3 młrd rasijskich rubloŭ vyručki) i hrupy Santa (29 miesca i 83,9 młrd rasijskich rubloŭ) dałučylisia Biełaruski mietałurhičny zavod (26 miesca i 94,3 młrd rasijskich rubloŭ) i MAZ (48 miesca i 48,5 młrd rasijskich rubloŭ).
Uznačaliŭ rejtynh vytvorca lehkavych aŭtamabilaŭ Chery z Kitaja, pradaŭšy na rasijskim rynku bolš za 220 tys. aŭtamabilaŭ (i ŭ 4 razy pavialičyŭšy sumu vyručki — da 590 młrd rasijskich rubloŭ). Na druhim miescy — japonski vytvorca tytuniovych vyrabaŭ JT Group (vyručka 480 młrd rasijskich rubloŭ). Na trecim — amierykanskaja tytuniovaja kampanija Philip Morris International (440,2 młrd rasijskich rubloŭ).
U rejtynh uvajšli 50 najbujniejšych zamiežnych kampanij, jakija praciahvajuć pracavać u Rasii i pa stanie na 23 žniŭnia 2024 hoda bolš čym na 50% naležali zamiežnym karparacyjam abo fizičnym asobam. Jany ranžyravanyja pa sukupnaj vyručcy, atrymanaj u 2023 hodzie, u jakuju ŭklučanyja danyja asnoŭnych rasijskich padraździaleńniaŭ zamiežnaj kampanii.
Biełaruskija vytvorcy vychodziać na markietpłejsy z-pad pałki
Što aznačaje dla Biełarusi adziny rynak enierharesursaŭ z Rasijaj?