Antybiełaruski nadpis pakinuli i kala ofisa biełaruskaj arhanizacyi «Dapamoha» ŭ Vilni
Kiraŭnička arhanizacyi Natalla Kalehava vyklikała palicyju.
05.09.2024 / 07:23
Fota: th-kanał Dapamohi
«La ŭjezdu ŭ Zamak Dapamoga prykładna kala 0:50 hetaj nočču pakinuli nadpis čyrvonaj farbaj na asfalcie na litoŭskaj movie: Baltarusų parazitams čia ne vieta, što pierakładajecca prykładna jak «biełarusam-parazitam tut nie miesca», paviedamiła arhanizacyja ŭ svaim telehram-kanale.
Natalla Kalehava ź mientaram vyjazdžali z Zamku na mašynie i, zaŭvažyŭšy na darozie nadpis, vyjšli. Farba była vilhotnaja — tamu stała zrazumieła, što nadpis zrabili litaralna paru chvilin da vyjezdu.
Natalla Kalehava vyklikała palicyju.
«My ličym, što pakinuty la Zamku Dapamoga nadpis — pravakacyja biełaruskich śpiecsłužbaŭ», — miarkujuć u arhanizacyi.
Nahadajem, što ciaham sutak byli vybityja šyby ŭ Centry biełaruskaj supolnaści i kultury ŭ centry Vilni i abstralana ź pnieŭmatyki pamiaškańnie Biełaruskaha pravasłaŭnaha prychodu ŭ Vilni.
U Vilni abstralali vokny biełaruskaj carkvy