У выніку падзення абломкаў збітага беспілотніка ў Гомелі загарэўся склад
5.09.2024 / 11:57
Ніхто не пацярпеў.
Фота: МНС
«У выніку падзення меркавана збітага беспілотнага лятальнага апарата адбылося загаранне цаглянага будынка склада ў Гомелі па 8-м завулку Ільіча. Падраздзяленні МНС ліквідавалі пажар. Ніхто не пацярпеў. Агнём пашкоджана 5 кв. метраў даху», — гаворыцца ў паведамленні Міністэрства па надзвычайных сітуацыях.
Сёння ноччу над Гомелем былі збітыя два беспілотнікі. Раніцай Мінабароны пацвердзіла іх знішчэнне.