19-hadovaha palitviaźnia chutka pačnuć sudzić za «zdradu dziaržavie»
16 vieraśnia Mahiloŭski abłasny sud u zakrytym sudovym pasiadžeńni pačnie razhlad spravy palitźniavolenaha Daniiła Harasima.
05.09.2024 / 12:14
Daniił Harasim. Skrynšot videa
Chłopcu inkryminavanyja č. 1 art. 361-3 KK (udzieł na terytoryi zamiežnaj dziaržavy va ŭzbrojenym farmavańni abo ŭzbrojenym kanflikcie, vajennych dziejańniach, viarboŭka abo padrychtoŭka asob da takoha ŭdziełu), č. 1 art. 356 KK (zdrada dziaržavie), č. 2 art. 295 KK (niezakonnyja dziejańni ŭ adnosinach da ahniastrelnaj zbroi, bojeprypasaŭ i vybuchovych rečyvaŭ). Praces pryznačany vieści Ihar Ziamcoŭ, piša «Viasna».
Daniił — 19-hadovy junak. Pavodle prapahandysckaha filma ANT, jaho abvinavačvali ŭ «zdradzie dziaržavie» za toje, što jon fatahrafavaŭ vajskovyja abjekty ŭ Asipovičach i sprabavaŭ pieradać «bašmak» (dla błakiroŭki rejek) inicyjatyvie «Supraciŭ». U filmie pakazvalisia kadry pastajannaha sačeńnia za im.
Siłaviki zatrymali siemiarych padletkaŭ, jakich vinavaciać u teraryźmie i zdradzie dziaržavie
Za dapamohu palitviaźniam i «zakliki da sankcyjaŭ» sudziać byłuju rabotnicu Nacyjanalnaj biblijateki