«Kibierpartyzany» na svoj dzień naradžeńnia znoŭ uzłamali sajt «Homielskaj praŭdy»
Zamiest aficyjoznych artykułaŭ na hałoŭnaj staroncy sajta dziaržaŭnaha vydańnia źjavilisia materyjały, zahružanyja «Kibierpartyzanami». Akcyja prymierkavanaja da 4-hodździa hrupoŭki.
05.09.2024 / 18:03
Siarod inšaha «Kibierpartyzany» paviedamili na ŭzłamanym sajcie pra niekatoryja svaje hučnyja prajekty, zroblenyja za 4 apošnija hady: partyzanski Telegram, partyzanskija SMS, bot deanonu siłavikoŭ «Voka Zmahara», sajt z danosami ŭ KDB za 9 hadoŭ, abaronienyja apytańni hramadskaj dumki Ap! i Kartka Biełarusa, jakuju płanujuć pradstavić u najbližejšy čas.
Sajt «Homielskaj praŭdy» ŭžo ŭzłomvali 25 sakavika. Tady na staroncy źjaviłasia vinšavańnie z Dniom Voli. Ad toj ataki sajt vydańnia ačuniaŭ tolki praz 8 dzion.
Ciapier na sajcie viaducca «techničnyja raboty».
«Kibierpartyzany» ŭzłamali rektara BDU Karala i daviedalisia ŭsio — kachanki, pierapiski, intryhi
«Kibierpartyzany» ŭzłamali ŭnutranuju sietku BDU i panazirali, jak tam kruciacca žorny represij
«Na pradpryjemstvie panika». «Kibierpartyzany» zajavili pra novuju ataku na «Hrodna Azot»