U DTZ pad Lublinam zahinuŭ biełarus
U balnicy pamior biełarus, jaki paciarpieŭ u noč z 1 na 2 vieraśnia ŭ avaryi na aŭtamahistrali pad Lublinam, paviedamlaje Most sa spasyłkaj na miascovuju presu.
06.09.2024 / 16:50
Fota: policja.pl
Incydent adbyŭsia ŭ rajonie nasielenaha punkta Karolin u Lublinskim vajavodstvie. Kiroŭca mašyny Toyota, jaki ruchaŭsia pa aŭtamahistrali S17 u bok Lublina, nie spraviŭsia z kiravańniem, u vyniku čaho aŭtamabil vylecieŭ z darohi i pierakuliŭsia. U mašynie znachodzilisia dva čałavieki, jakich z ranieńniami dastavili ŭ balnicu.
Niahledziačy na namahańni lekaraŭ, 5 vieraśnia adzin z paciarpiełych pamior. Pavodle źviestak palicyi, pamierły byŭ hramadzianinam Biełarusi. Infarmacyja pra druhoha paciarpiełaha pakul nie vydajecca.
Viadziecca śledstva dla vyśviatleńnia pryčyn avaryi.
U DTZ pad Branskam zahinuŭ viadomy homielski fatohraf. Jamu byŭ 31 hod
U ZŠA zahinuŭ zorka NCHŁ Džoni Hadro. Jamu byŭ 31 hod