Žychara Minskaha rajona buduć sudzić za admaŭleńnie hienacydu biełaruskaha naroda
Akramia taho, mužčynu staviać u vinu niehatyŭnuju acenku Łukašenki.
06.09.2024 / 17:19
Fota: Hienprakuratura
Žychar Minskaha rajona abvinavačvajecca ŭ admaŭleńni hienacydu biełaruskaha naroda, a taksama ŭ abrazie Łukašenki ŭ internecie. Spravu 54-hadovaha mužčyny pieradali ŭ sud.
Pavodle źviestak prakuratury, mužčyna stvaryŭ u «Adnakłaśnikach « adkrytuju hrupu, dzie davaŭ niehatyŭnuju acenku Łukašenku, a taksama raźmiaściŭ publikacyju, u jakoj nibyta admaŭlaŭ źniščeńnie vajskoŭcami 118-ha šucmanšaft-bataljona achoŭnaj palicyi i asablivaha bataljona SS Dyrlevanhiera mirnych žycharoŭ vioski Chatyń 22 sakavika 1943 hoda.
Mužčynu ŭ vyniku vystavili abvinavačvańni ŭ reabilitacyi nacyzmu (č. 1 art. 130-2, da piaci hadoŭ kałonii) i abrazie Łukašenki (č. 1 art. 368, da čatyroch hadoŭ kałonii). Da suda jaho pakinuli pad vartaj.
Palitviaźnia, zatrymanaha pa viartańni z Polščy, buduć sudzić pa dvuch kryminalnych artykułach