У Нясвіжы памянялі мову вулічных шыльдаў «для зручнасці турыстаў і гасцей горада»
Пра змену беларускамоўных вулічных шыльдаў у Нясвіжы на рускамоўныя паведаміў у фэйсбук «моўны інспектар» Ігар Случак.
06.09.2024 / 18:18
Ігар Случак размясціў копію афіцыйнага адказу ад старшыні Нясвіжскага раённага выканаўчага камітэта Аляксандра Ломскага.
У ім чыноўнік тлумачыць, што шыльды замянілі яшчэ летась да святкавання 800-годдзя горада. Зроблена гэта «для зручнасці турыстаў і гасцей горада».
Таму, сцвярджае Аляксандр Ломскі, «няма неабходнасці і дадатковых фінансавых сродкаў для замены іх толькі зыходзячы з Вашых пажаданняў». Таксама, на ягоную думку,
«трэба ўлічваць, што ў ахоўных зонах гістарычных гарадоў, такіх як Нясвіж, а таксама на аб'ектах, якія маюць статус гісторыка-культурнай каштоўнасці, не заўсёды дарэчы размяшчаць аншлагі, паказальнікі і т.п., падводзячы іх пад шаблоны іншых гарадоў».
Рускі тэатр у Мінску зробяць больш маўрытанскім
Мастак з сякерай: музей у дрывотні стварыў Іван Супрунчык на Століншчыне
На поўначы Беларусі знайшлі драўляны коўш узросту піраміды Хеопса