«Źniščaje virusy, umacoŭvaje imunitet». U Breście pradajecca dom z kiedru
Dom z karaleŭskaha kiedru znachodzicca ŭ bresckich Hieršonach i pryciahvaje ŭvahu svajoj niezvyčajnaj architekturaj, piša BG.Media.
06.09.2024 / 19:14
U domie ŭsiaho adzin pavierch, ahulnaja płošča jakoha kala 100 kv. m. Z vyhladu budynak nahadvaje dychtoŭnuju sučasnuju chatu z brusoŭ. Dach pakryty bitumnaj čarapicaj.
Vonkavy vyhlad doma
Vonkavy vyhlad doma
Da doma padviedzienyja haz i elektryčnaść, a vada pastupaje sa śvidraviny. Uvachodnyja dźviery vykananyja z masivu dubu, što robić ich vielmi nadziejnymi.
Uvachodnyja dźviery z masivu dubu i akno ŭ domie
U domie raźmieščanyja dva pakoi i vielizarnaja haścioŭnia z abiedziennaj zonaj. Jość taksama sanvuzieł z aknom, a z kuchni možna trapić na terasu. U domie pakul niama mebli, nie całkam zavieršanaje azdableńnie pakojaŭ i niama dźviarej. Adnak kiedravyja brusy ŭžo stvarajuć svaju niepaŭtornuju atmaśfieru. U doma jość patencyjał stać sapraŭdnym utulnym hniaździečkam.
Interjer doma z kiedru
Jak pišuć u abjavie, «draŭnina karaleŭskaha kiedra nasyčaje pavietra fitancidami, jakija ŭmacoŭvajuć imunitet, stabilizujuć niervovuju sistemu i źniščajuć virusy i bakteryi — ekskluziŭnaść ad «A» da «Ja».
Interjer doma z kiedru
Taksama było zhadana pra salidny i ŭražlivy vyhlad, maksimalnuju ciepłaachovu i hukaizalacyju, minimum raskolin i defarmacyi. Jak havorycca, čas pakaža.
Vitalnia ŭ domie
Unutrany vyhlad doma
Učastak płoščaj šeść sotak znachodzicca na stadyi dobraŭparadkavańnia. Jość hazon, jaki patrabuje dohladu, abrykosavaje dreva i padmurak pad jakija-niebudź dapamožnyja pabudovy.
Prydamavaja terytoryja
Prydamavaja terytoryja
Niesumnieŭny plus u tym, što ŭ krokavaj dastupnaści ad kiedravaha doma znachodziacca voziera i les. Taksama niedaloka raźmieščanyja krama i prypynak hramadskaha transpartu. Za svoj ekskluziŭny dom haspadar prosić $70 000.
Vonkavy vyhlad doma
Dla sabačak i kocikaŭ. Ci zasialilisia ŭ novuju rezidencyju Łukašenki dabračynnyja fondy?
Na Hrodzienščynie dźvie staryja vodanapornyja viežy prystasujuć pad chosteł i bar