Iran pieradaŭ Rasii balistyčnyja rakiety — WSJ
Iran užo adpraviŭ u Rasiju svaje balistyčnyja rakiety małoj dalokaści. Pra heta sa spasyłkaj na krynicy siarod amierykanskich i jeŭrapiejskich čynoŭnikaŭ paviedamiła The Wall Street Journal.
06.09.2024 / 21:21
Prezident Rasii Uładzimir Pucin ź Viarchoŭnym kiraŭnikom Irana ajatałoj Ali Chamienei. Zdymak ilustracyjny. Fota: Pool / Iranian Supreme Leader Press Office/Anadolu Agency/Getty Images
Vydańnie adznačaje, što pieradača Iranam balistyčnych rakiet «daść Maskvie jašče adzin mahutny vajskovy instrumient dla vykarystańnia ŭ vajnie suprać Ukrainy».
Detalaŭ adnosna kolkaści i typaŭ rakiet, jakija atrymała Rasija, WSJ nie pryvodzić. Ahienctva Reuters, jakoje pieršym paviedamiła pra padrychtoŭku pieradačy balistyčnych rakiet ź Irana ŭ Rasiju, pisała, što havorka moža iści pra Fath-360 — sistemu, jakaja zapuskaje balistyčnyja rakiety z maksimalnaj dalokaściu 120 kiłamietraŭ i bojehałoŭkaj vahoj 150 kiłahramaŭ.
U Jeŭrasajuzie raniej paabiacali adreahavać na pieradaču Iranam balistyčnych rakiet Rasii.
ZŠA ŭzhadnili pieradaču Ukrainie kryłatych rakiet vialikaj dalokaści dla F-16 — Reuters
Iran moža ŭžo ŭ najbližejšy čas pačać pastaŭki balistyčnych rakiet u Rasiju
Ukraina ŭpieršyniu ŭžyła svaju rakietu-dron «Palanica» pa celi ŭ Krymie
Sikorski: Polšča abaviazana źbivać rasijskija rakiety nad Ukrainaj