ЗША абвясцілі аб выдзяленні Украіне дадатковай дапамогі на 250 мільёнаў даляраў
Пентагон абвясціў 6 верасня аб выдзяленні дадатковай дапамогі з мэтай задавальнення крытычна важных патрэбаў Украіны ў сферы бяспекі і абароны. Прыкладны кошт пакета складае 250 мільёнаў даляраў, ён уключае ракеты для сістэм СПА, боепрыпасы для ракетных сістэм і артылерыі, бранятэхніку і супрацьтанкавую зброю.
06.09.2024 / 23:07
Міністр абароны ЗША Лойд Осцін (справа) са сваім украінскім калегам Рустэмам Умеравым. Фота: AP Photo/Mark Schiefelbein
У новы пакет амерыканскай дапамогі ўваходзяць:
- ракеты RIM-7 і падтрымка для СПА;
- ракеты Stinger;
- боепрыпасы для высокамабільных артылерыйскіх ракетных сістэм (HIMARS);
- 155-мм і 105-мм артылерыйскія боепрыпасы;
- кіраваныя па правадах супрацьтанкавыя ракетныя комплексы (BGM-71 TOW);
- супрацьтанкавыя сістэмы Javelin і AT-4;
- баявыя машыны пяхоты Bradley;
- бронетранспарцёры M113;
- машыны з абаронай ад мінаў і засадаў (MRAP);
- боепрыпасы і гранаты для стралковай зброі;
- патрульныя катары;
- марское навучальнае абсталяванне;
- абсталяванне і боепрыпасы для падрываў;
- а таксама запасныя часткі, дапаможнае абсталяванне, паслугі, навучанне і транспарт.
ЗША працягнуць супрацоўніцтва прыблізна з 50 саюзнікамі і партнёрамі праз кантактную групу абароны Украіны, імкнучыся задаволіць неадкладныя патрэбы Украіны ў справе абароны ад расійскай агрэсіі, падкрэсліваецца ў заяве Белага дома.
ЗША абсталююць самалёты F-16 для Украіны сучаснай зброяй
Высокатэхналагічная амерыканская зброя працуе супраць Расіі, але не доўга — The Wall Street Journal
Ва Украіне адкрыўся першы сумесны з нямецкім канцэрнам цэх па рамонце бранятэхнікі