Касмічны карабель Starliner вярнуўся на Зямлю
Ён меўся вярнуцца тры месяцы таму.
07.09.2024 / 11:19
Касмічны карабель Starliner адстыкаваўся ад Міжнароднай касмічнай станцыі (МКС) і вярнуўся на Зямлю, паведамляе NASA. Але на борце карабля не было экіпажу.
Фота: NASA
Starliner быў запушчаны 5 чэрвеня. Для Boeing гэты быў першы пілатуемы запуск да МКС. На борце былі астранаўты Бутч Уілмар і Суніта Уільямс. Яны павінны былі вярнуцца на Зямлю на Starliner да канца чэрвеня, але з-за непаладак у сістэмах карабля іх вяртанне адклалі да лютага 2025 года.
Іх забярэ касмічны карабель кампаніі SpaceX.