U Rumynii znajšli frahmienty rasijskaha bieśpiłotnika
Niedaloka ad vioski Pieryprava pablizu miažy z Ukrainaj znojdzienyja frahmienty rasijskaha bieśpiłotnika, pra heta zajaviła Minabarony Rumynii. Pra toje, što ŭ pavietranuju prastoru krainy zalacieŭ mierkavana rasijski dron, viedamstva paviedamiła ŭ niadzielu, paviedamlaje Rasijskaja słužba Radyjo Svaboda.
10.09.2024 / 07:36
Ilustracyjnaje fota
Pavodle źviestak Minabarony Rumynii, bieśpiłotnik parušyŭ pavietranuju prastoru krainy ranicaj 8 vieraśnia i zatym pakinuŭ jaje, palacieŭšy ŭ bok Ukrainy. Dva samaloty F-16 vylecieli dla nazirańnia za pavietranaj abstanoŭkaj. Šlach bieśpiłotnika taksama adsočvaŭsia pry dapamozie radyjołakacyjnaj sistemy nazirańnia.
U paniadziełak ułady Łatvii paćvierdzili, što bieśpiłotnikam, jaki zalacieŭ 7 vieraśnia ŭ pavietranuju prastoru krainy, byŭ rasijski «Šachied». Dron zalacieŭ ź biełaruskaj terytoryi.
Daradca kiraŭnika Ofisa prezidenta Ukrainy Michaił Padalak zajaviŭ, što Rasija pravodzić cyničnuju raźviedku, kab zrazumieć, kali NATO budzie hatovaje abaraniać svaje miežy.