Sierhiejenka: Minsku pastupiła zaprašeńnie ŭziać udzieł u nazirańni za vybarami ŭ ZŠA
Biełarusi pastupiła zaprašeńnie ŭziać udzieł u nazirańni za vybarami ŭ ZŠA, Małdovie i za parłamienckimi vybarami ŭ Hruzii. Pra heta ŭ efiry telekanała «Biełaruś 1» zajaviŭ staršynia Pałaty pradstaŭnikoŭ Ihar Sierhiejenka, paviedamlaje BiełTA.
10.09.2024 / 07:46
Ihar Sierhiejenka. Fota: BiełTA
Śpikier adznačyŭ, što biełaruskija deputaty biaruć udzieł u nazirańni za vybarami. Deputaty Pałaty pradstaŭnikoŭ u pačatku vieraśnia ŭ jakaści mižnarodnych naziralnikaŭ vyjazdžali ŭ Azierbajdžan, dzie prachodzili vybary ŭ parłamient.
«Pa-pieršaje, heta surjozny dośvied, jaki napracoŭvajecca padčas takich mierapryjemstvaŭ. Heta ŭstanaŭleńnie partniorskich, daviernych adnosin, padtrymka toj krainy. Taksama my brali ŭdzieł u nazirańni za vybarami ŭ Vieniesuele i Uźbiekistanie, — skazaŭ Ihar Sierhiejenka.
— Litaralna niadaŭna nam, zdavałasia b, u hety niaprosty čas pastupiła zaprašeńnie ŭziać udzieł u nazirańni za vybarami ŭ Złučanych Štatach Amieryki, Małdovie, za parłamienckimi vybarami ŭ Hruzii. Pahladzim, jak heta budzie raźvivacca».
Prezidenckija vybary ŭ ZŠA projduć 5 listapada.
Tramp i Charys amal zraŭnialisia ŭ apytańniach
Tramp pra słovy Pucina pra Charys: Nie viedaju, abraziŭ jon mianie ci akazaŭ mnie pasłuhu
Pucin zajaviŭ, što padtrymlivaje Charys na vybarach u ZŠA, bo jana zaraźliva śmiajecca