Rasija pierajšła ŭ kontrnastup u Kurskaj vobłaści, udaryła ŭ fłanh — vajenkary
Rasijskija vojski vybili USU z čatyroch siołaŭ Kurskaj vobłaści za adzin dzień, śćviardžajuć rasijskija błohiery. Ukrainski bok pra situacyju ŭ Hłuškoŭskim i Koranieŭskim rajonach nie paviedamlaŭ.
10.09.2024 / 19:58
Rasijskija vajenkary śćviardžajuć, što siońnia pačaŭsia kontrnastup u Kurskaj vobłaści. Prykładnaja linija frontu tam paznačanaja na mapie źvierchu sinim koleram, a kirunak udaru — čyrvonym.
«155-ja bryhada marskoj piachoty Cichaakijanskaha fłota … vybiła USU ź viosak Hardziejeŭka, Viktaraŭka, Biachava i vyzvaliła pałovu siołaŭ Apanasaŭka i Snahaść u Kurskaj vobłaści. Mienš čym za 12 hadzin», — napisaŭ th-kanał «Trojka».
Havorka pra nasielenyja punkty na sutyku Hłuškoŭskaha i Koranieŭskaha rajonaŭ, na zachodnim fłanhu vystupu, jaki ŭkrainskija vojski zaniali na rasijskaj terytoryi.
«Uvieś minuły tydzień 51 połk 106-aj dyvizii PDV pavolna rychtavaŭ płacdarm dla ataki klučavoha siała (miascovaha vuzła daroh) — Snahaści. Jon išoŭ z poŭnačy z boku Koranieva i siońnia ranicaj chutkaj atakaj uvajšoŭ u Snahaść, — tak apisvaje situacyju błohier Juryj Padalaka. — Adnačasova ź im z zachadu (z Hłuškoŭskaha rajona) 155 bryhada cichaakijanskich marpiechaŭ, taksama raptoŭna, abrynułasia na praciŭnika ŭ Hardziejeŭcy. Takim čynam praciŭnik u Apanaśjeŭcy, Uniazapnym, Viktaraŭcy i Biachavie byŭ adrezany ad zabieśpiačeńnia i achopleny z fłanhaŭ».
«Pazicyi našych vojskaŭ za siońnia taktyčna palepšanyja. Heta nie padstava dla radaści, heta rucinnaja praca, — pieraścierahaje ad lišniaha aptymizmu miascovy kanał «Opołčienije / Rylsk / Miedvied́». — Na siońnia zastajecca šmat pytańniaŭ pa raźmiaščeńni łbs (linii bajavoha sutyknieńnia — NN). Jość rečy, jakija składana vytłumačalnyja i niezrazumieła, čamu adbyvajecca mienavita tak, a nie inakš. Bližejšyja dni raskryjuć intryhu — čamu VSU zastajucca tam, dzie zastajucca, i adychodziać tam, dzie adychodziać».
Ukrainski bok hetych paviedamleńniaŭ pakul nijak nie kamientavaŭ. Ukrainski nastup apošnija tydni spyniŭsia, pra zaniaćcie novych nasielenych punktaŭ nie paviedamlałasia. Heta, imavierna, źviazana ź pierakidvańniem rasijskich reziervaŭ pad Kursk. U tym liku rasijskija vojski ŭtrymali kantrol nad Hłuškoŭskim rajonam navat paśla źniščeńnia ŭkraincami mastoŭ cieraz raku Siejm.
Niečakanym ryŭkom u pačatku žniŭnia ŭkrainskaja armija zaniała kala 1000 kvadratnych kiłamietraŭ u Kurskaj vobłaści Rasii, ale nie zmahła vyjści da Rylska, Lhova, Kurčatava i samoha Kurska — najbolšych haradoŭ vobłaści, što lažać na race Siejm. Tym nie mienš, rasijanie byli vymušanyja pierakinuć na Kurščynu častku svaich siłaŭ z Danbasa.
Šajhu: Pra pieramovy z Ukrainaj nie moža iści havorki, pakul nie vykiniem ich z našaj terytoryi
«Ničoha tam novaha niama» — Valfovič ab praryvie ŭkraincaŭ u Kurskuju vobłaść
Kiraŭnik Minabarony Brytanii: Apieracyja na Kurščynie pastaviła Pucina ŭ tupik, jon šukaje adkaz
«Za apošnija šeść dzion praciŭnik nie prasunuŭsia ni na mietr u kirunku Pakroŭska» — Syrski
Pucin nazvaŭ «śviatym abaviazkam» vycisnuć USU z Kurskaj vobłaści