Łatvija praciahvaje režym uzmocnienaj achovy miažy ź Biełaruśsiu da kanca hoda
Łatvija vyrašyła praciahnuć režym uzmocnienaj achovy miažy ź Biełaruśsiu da kanca 2024 hoda, paviedamiła Ministerstva ŭnutranych spraŭ krainy.
10.09.2024 / 21:08
Fota: Pamiežnaja słužba Łatvii
U paviedamleńni skazana, što Kabiniet ministraŭ 10 vieraśnia druhi raz pryniaŭ rašeńnie, źviazanaje z praciahvańniem režymu ŭzmocnienaj achovy miažy ź Biełaruśsiu da 31 śniežnia 2024 hoda.
Hety režym budzie dziejničać na terytoryi Łudzienskaha, Aŭhšdaŭhaŭskaha i Krasłaŭskaha krajoŭ. Akramia taho, jany zakranuć Daŭhaŭpiłs i Kaŭnackuju vołaść Rezieknienskaha kraju.
Havorycca, što pastanova była vydadziena ŭ metach zabieśpiačeńnia niedatykalnaści dziaržaŭnaj miažy, praduchileńnia pahroz, a taksama z ulikam taho, što na miažy Łatvii i Biełarusi fiksujecca vialikaja kolkaść vypadkaŭ niezakonnaha pierasiačeńnia miažy ci prynamsi sprobaŭ pierasiačeńnia.
U Łatvii pakazali fota drona, jaki ŭpaŭ na ŭschodzie krainy
Bieśpiłotnik, jaki ŭpaŭ u Łatvii, byŭ načynieny vybuchoŭkaj
U Łatvii raźbiŭsia rasijski vajskovy dron, jaki zalacieŭ ź Biełarusi