Tejłar Śvift abviaściła, kaho padtrymaje na amierykanskich prezidenckich vybarach
Pop-zorka Tejłar Śvift, rašeńnia jakoj čakała Amieryka, padtrymała kandydaturu Kamały Charys na pasadu prezidenta ZŠA paśla debataŭ.
11.09.2024 / 07:58
«Ja addam svoj hołas za Kamału Charys i Cima Uołza na prezidenckich vybarach 2024 hoda», — napisała Śvift u Instagram.
Jana raspaviała, što na jaje rašeńnie vystupić publična paŭpłyvali stvoranyja z dapamohaj ŠI fatahrafii, apublikavanyja Donaldam Trampam. Na ich Śvift nibyta padtrymlivaje kandydaturu respublikanca.
«Heta pryviało mianie da vysnovy, što ja pavinna być vielmi ščyraj z nahody maich realnych płanaŭ na hetyja vybary», — napisała jana.
Jana padpisała post «biaździetnaja kašatnica». Tak — «kučkaj niaščasnych u žyćci biaździetnych kašatnic» — nazvaŭ kandydat u vice-prezidenty ad respublikancaŭ Džej Dzi Vens palitykaŭ-demakrataŭ.