Na budaŭnictva milicejskaha haraža ŭ Homieli patraciać stolki, kolki kaštuje novaja škoła
Homielskaje abłasnoje ŭpraŭleńnie kapitalnaha budaŭnictva abjaviła pošuk padradčyka na rekanstrukcyju abjektaŭ aŭtaparka vajskovaj čaści 5525 u Homieli (unutranych vojskaŭ). Na pracy praduhledžana vydzialeńnie ź biudžetnych srodkaŭ vielmi vialikaj sumy — amal 22,5 młn rubloŭ (7 młn dalaraŭ), zaŭvažyŭ «Fłahštok».
11.09.2024 / 12:28
Unutranyja vojski na paradzie ŭ Homieli. Fota: belkagomel.by
Na hetyja hrošy možna pabudavać 2 dziciačyja sadki ŭ novych mikrarajonach, prykładna ŭ takuju ž sumu abychodzicca budaŭnictva nievialikaj škoły abo palikliniki.
Raboty pa rekanstrukcyi abjektaŭ aŭtaparka ŭ milicejskaj čaści pavinny pačacca ŭžo ŭ vieraśni i raźličany na dva hady — pa vierasień 2026 hoda. Prajektnaja dakumientacyja ŭžo raspracavana — na heta taksama była vydatkavana bujnaja suma.
U apublikavanym tendary niama schiem, ale ŭ dakumientacyi «Fłahštok» znajšoŭ padrabiaznaje apisańnie abjekta. Umiaščalnaść haražoŭ, jakija chočuć rekanstrujavać, składaje 82 aŭtamabili.
Prajekt praduhledžvaje budaŭnictva punkta techničnaha absłuhoŭvańnia i ramontu aŭtamabilaŭ z majsterniami i składami. Taksama płanujecca budaŭnictva aŭtazapravačnaha kompleksu.