Kubrakoŭ adpraviŭ na miažu z Ukrainaj AMAP i ŭnutranyja vojski — «kab nie dapuścić praryvu USU»
Kiraŭnik MUS zajaviŭ, što pryniaŭ takoje rašeńnie, praanalizavaŭšy nastup ukrainskich vajskoŭcaŭ u Kurskaj vobłaści.
11.09.2024 / 15:26
Vučeńni ŭ Stolinie. Fota: MUS
U pamiežnyja z Ukrainaj nasielenyja punkty nakiravanyja dadatkovyja padraździaleńni AMAP i ŭnutranych vojskaŭ. Pra heta pierad startam vučeńniaŭ u Stolinie raspavioŭ kiraŭnik MUS Ivan Kubrakoŭ, piša BiełTA. Ministr zajaviŭ, što jaho viedamstva praanalizavała apieracyju USU ŭ Kurskaj vobłaści.
«U suviazi z napružanym stanoviščam la paŭdniovych rubiažoŭ Biełarusi ŭ pamiežžy raźmieščanyja śpiecyjalnyja padraździaleńni AMAPa i ŭnutranych vojskaŭ. Ich asnoŭnaja meta — nie dapuścić zachodu praciŭnika ŭ nasielenyja punkty, harantavać biaśpieku našych hramadzian. U hetaj suviazi arhanizavana apieratyŭnaje ŭzajemadziejańnie z kamandzirami bajavych padraździaleńniaŭ, pahraničnych vojskaŭ, staršyniami abłasnych i rajonnych vykankamaŭ», — havorycca ŭ paviedamleńni.
U MUS ličać, što pierakidka dadatkovych padraździaleńniaŭ na miažu dazvalaje «trymać situacyju pad kantrolem i nie dapuskać praniknieńnia dyviersijna-raźviedvalnych hrup na terytoryju krainy».
U Stolinie niedaloka ad miažy z Ukrainaj siońnia prachodzili vučeńni MUS. Ceły šerah vulic byŭ pierakryty, pa horadzie jeździła śpiectechnika, chadzili ŭzbrojenyja siłaviki, byli čutnyja streły i vybuchi.