Špijonku Darju Astapienku, asudžanuju ŭ Polščy, paśla suda vyzvalili z-pad varty
Darji Astapiency na sudzie pryznačyli 1 hod 8 miesiacaŭ źniavoleńnia i adnačasova vyzvalili z-pad varty, paviedamlaje telekanał «Biełsat» sa spasyłkaj na pres-słužbu Akruhovaha suda Varšava-Praha.
11.09.2024 / 19:00
Darja Astapienka — u centry
Raniej žančynu pryznali vinavataj pavodle artykuła «Špijanaž», jaki praduhledžvaje minimalna 5 hadoŭ turmy. Niahledziačy na heta, Darji Astapiency pryznačyli ekskluziŭna mały termin, a ciapier, jak vyhladaje, i ŭvohule vyzvalili.
«Darja Astapienka była asudžanaja na turemnaje źniavoleńnie terminam 1 hod 8 miesiacaŭ z nadzvyčajnym źmiakčeńniem. Pieryjad časovaha zatrymańnia i ŭtrymańnia pad vartaju z 20 śniežnia 2023 pa 10 vieraśnia 2024 hoda byŭ zaličany ŭ termin pakarańnia», — skazali «Biełsatu» ŭ pres-słužbie Akruhovaha suda Varšava-Praha.
Pry hetym sud skasavaŭ mieru strymańnia ŭ vyhladzie ŭtrymańnia pad vartaj:
«Sud pastanaviŭ vyzvalić jaje. Pastanova nakiravanaja ŭ SIZA, i kali niama padstaŭ dla dalejšaha ŭtrymańnia pad vartaju z uvahi na inšuju spravu, to Darja Astapienka ciapier na voli».
Čamu sud vynies taki miakki prysud i pastanaviŭ vyzvalić špijonku, pakul nie viadoma. Heta budzie paznačana ŭ matyvacyjnaj častcy prysudu, jaki pakul nie abnarodavany, i ŭ pres-słužbie tłumačeńniaŭ nie dajuć.
Zrešty, prysud jašče nie nabyŭ moc, abskardzić vyrak moža jak advakat fihurantki, tak i prakuratura.
Aktyvistcy «Havary praŭdu» dali ŭ Polščy realny termin za špijanaž na karyść Biełarusi
Zatrymanaja ŭ Polščy ahientka KDB raniej była pornaaktrysaj
Stała viadoma, što za biełarusku aryštavali ŭ Polščy za pracu na KDB