Biełdziaržstrach bolš nie budzie strachavać luksavyja aŭtamabili
«Biełdziaržstrach» prainfarmavaŭ svaje filijały ab tym, što aŭtamabili niekatorych marak bolš nie buduć prymać na strachavańnie. Kopiju dakumienta apublikavaŭ Blizko.by.
12.09.2024 / 09:06
U Biełdziaržstrachu ciapier nielha budzie zaklučyć damovu dobraachvotnaha strachavańnia na takija mašyny, jak LiXiang, Dongfeng E11K, HiPhi, Bentley, Ferrari, Lamborghini i Maserati.
Rašeńnie tłumačycca zabieśpiačeńniem adnastajnaha padychodu pry zaklučeńni damovaŭ aŭtakaska, a taksama «dasiahnieńni aptymalnych pakazčykaŭ rentabielnaści hetaha vidu strachavańnia».
Jak rastłumačyli ŭ samoj kampanii, pryčynaj źjaŭleńnia takoj miery stała adsutnaść na rynku aficyjnych dyleraŭ pa pastaŭcy zapčastak da hetych aŭtamabilaŭ.