Pradstaŭnika homielskaha praŭładnaha prafsajuza sudzili za raspaŭsiud ekstremizmu
Učora ŭ sudzie Dobrušskaha rajona razhladałasia administracyjnaja sprava ŭ dačynieńni da Mikałaja Talejki.
12.09.2024 / 10:11
U vinu Mikałaju stavili raspaŭsiud ekstremizmu (č. 2 art 19.11 KaAP). Sudovy praces pravodziŭ sudździa Aleh Vasiukoŭ. Vynik pasiadžeńnia vyśviatlajecca, piša «Viasna».
Mikałaj Talejka — hałoŭny pravavy inśpiektar pracy Homielskaj abłasnoj arhanizacyi Biełaruskaha prafiesijnaha sajuza rabotnikaŭ handlu, spažyvieckaj kaapieracyi i pradprymalnictva. Hety prafsajuz uvachodzić u praktyčna dziaržaŭnuju Fiederacyju prafsajuzaŭ, piša «Homielskaja Viasna».
Heta ŭžo druhi kiraŭnik praŭładnaha prafsajuza, jakoha pryciahvajuć za raspaŭsiud ekstremisckich materyjałaŭ. U śniežni 2023 hodu pavodle č. 2 art 19.11 KaAP sudzili Taćcianu Chackovu — staršyniu Homielskaj abłasnoj arhanizacyi Biełaruskaha prafsajuza bankaŭskich i finansavych rabotnikaŭ. Jaje tady aryštavali na 15 sutak i potym zvolnili z pasady.
U Biełarusi raspaŭsiudam ekstremizmu ličycca lubaja spasyłka na niezaležnyja, abjektyŭnyja resursy, jakija ŭłady abviaščajuć ekstremisckimi.