U Maładziečnie pjanyja padletki kidali butelki z akna. Samaj dakładnaj była 15-hadovaja dziaŭčyna
Kampanija dziaciej arhanizavała adpačynak napiaredadni novaha navučalnaha hoda ŭ kvatery adnaho z padletkaŭ.
12.09.2024 / 10:24
Školniki padumali, što prosta bavić čas razam budzie niedastatkova, tamu vyrašyli vypić mocnaha ałkaholu, paviedamlaje «Maładziečna Sici».
Viečaryna nabližałasia da kanca i čakaŭsia pryjezd baćkoŭ haspadyni kvatery. Dzieci zrazumieli, što treba niejak pazbavicca ad «śladoŭ» złačynstva, ale tak jak iści na vulicu im nie chaciełasia, chłopcy vyrašyli vykidvać pustyja plaški z akna.
Samaj dakładnaj była 15-hadovaja dziaŭčyna, jakaja, vykidvajučy plašku z akna, pryziamliła jaje na pryparkavany kala padjezda aŭtamabil svajho susieda, tym samym paškodziŭšy kapot i łabavoje škło transpartu.
Śledčymi ŭ dačynieńni da niepaŭnaletniaj raspačata kryminalnaja sprava za chulihanstva.