U Biełarusi zapuskajuć «impartaniezaležnuju» sistemu kiravańnia bazami
Jak paviedamlaje BiełTA sa spasyłkaj na Ministerstva suviazi i infarmatyzacyi, u Biełarusi pačałasia realizacyja pieršaha piłotnaha prajekta ŭ śfiery ličbavaha raźvićcia — aprabacyja ajčynnaj sistemy kiravańnia bazami danych.
12.09.2024 / 16:01
Hety prajekt, jak śćviardžajecca, źjaŭlajecca častkaj hłabalnaj prahramy «farmavańnia impartaniezaležnaha prahramnaha zabieśpiačeńnia na ajčynnych pradpryjemstvach».
«U najbližejšy čas prajekt pačnie testavacca ŭ realnych umovach na abranaj testavaj placoŭcy», — rastłumačyli ŭ Minsuviazi. Pa vynikach pracy budzie zroblenaja vysnova adnosna paśpiachovaści piłotnaha prajekta.
U vypadku paćviardžeńnia efiektyŭnaści vynikaŭ prahramnaje rašeńnie budzie raźmieščana na «vitrynie ličbavych prajektaŭ» dla mahčymaści nabyćcia usimi achvotnymi na pryjarytetnych umovach.
Akramia hetaha, Radaj pa prajektach u śfiery ličbavaha raźvićcia pry Minsuviazi ŭchvalenyja prajekty pa stvareńni sistemy ZAHS, aŭtamatyzacyi abjektaŭ handlu Biełkaapsajuza, madernizacyi infarmacyjna-kamunikacyjnaj infrastruktury Biełhidramieta, raźvićciu funkcyjanału sistemy zvarotaŭ i inš.
U Biełarusi źbirajucca vyrablać inavacyjnuju miakkuju karamiel. Heta jak?
«Kamunarka» impartazamiaścić šakaład dla hłazuravanych syrkoŭ i maroziva
Biełaruś užo asvoiła rasijski kredyt na impartazamiaščeńnie i prosić novy