Rasija stavić SIM-karty ŭ «Šachiedy» dla vykarystańnia mabilnaj sietki Ukrainy
Što heta daje i jak z hetym možna zmahacca, tłumačyć vajenny ekśpiert.
12.09.2024 / 16:50
Bieśpiłotnik «Šachied 136». Skryn videa Alpha17 / YouTube
Pra toje, što Rasija abstalavała svaje drony-kamikadze SIM-kartami ŭkrainskich mabilnych apierataraŭ i antenami na kryłach, piša staršy navukovy supracoŭnik i ekśpiert na naziemnych vojnach brytanskaha analityčnaha centra Royal United Services Institute Džek Uołtinh (Jack Watling)
Pa jaho słovach, SIM-karty vykarystoŭvajucca dvuma sposabami. Pa-pieršaje, bieśpiłotnik vykarystoŭvaje mabilnuju sietku dla tryanhulacyi — vyznačeńnia dakładnaha miescaznachodžańnia — z dapamohaj sihnałaŭ mabilnych vyšak. Pa-druhoje, vykarystańnie mabilnaj sietki dazvalaje rasijanam mieć pramuju suviaź z bieśpiłotnikam. Analiz atrymanych telemietryčnych danych ad drona dazvalaje acanić situacyju ŭ realnym časie i płanavać nastupnyja ŭdary.
Adnak, jak zaŭvažaje ekśpiert, vykarystańnie mabilnaj sietki Ukrainy maje svaje ŭraźlivaści.
«Viadoma, jość niešta padazronaje ŭ mabilnym telefonie, jaki ruchajecca z chutkaściu 350 kiłamietraŭ na hadzinu. Takija pavodziny možna adsačyć, a SIM-karty, jakija vykarystoŭvajucca ŭ takich škodnych metach, možna adklučyć,» — piša Uotlinh.
Adnak heta mahčyma tolki ŭ tym vypadku, kali apieratar mabilnaj suviazi maje efiektyŭnyja kanały suviazi sa słužbami biaśpieki.
Pa słovach analityka, hetuju taktyku rasijanie vykarystoŭvajuć jak minimum z kanca 2023 hoda. Mienavita tady ŭ źbitych ukraincami dronach byli znojdzieny 4G-mademy.
Bieśpiłotnik, jaki ŭpaŭ u Łatvii, byŭ načynieny vybuchoŭkaj
USU ŭpieršyniu źbili rasijski «Arłan» na vielizarnaj vyšyni
USU ŭpieršyniu ŭžyli suprać rasijskaj armii lotajučy aŭtamat Kałašnikava