Biełarusu pa pošcie prysłali pistalet z patronami. A doma ŭ jaho znajšli ceły arsienał
U pasyłcy z Rasii musiła być santechnika, a akazałasia zbroja.
12.09.2024 / 17:02
Fota: DMK
Mytnikaŭ u aeraporcie «Minsk» zacikaviła padazronaja pasyłka, u jakoj pa dakumientach pavinna była znachodzicca santechnika. Paśla dadatkovaj pravierki vyśvietliłasia, što ŭ adpraŭleńni z Rasii lažać pistalet, kabura, dva mahazina i 19 patronaŭ.
Zhodna z zaklučeńniem ekśpierta pistalet sihnalny madeli MR-371 pryznany strałkovaj ahniastrelnaj zbrojaj, vyrablenaj zavodskim sposabam, u kanstrukcyju jakoha ŭniesienyja samatužnyja źmieny, paviedamili ŭ DMK.
Fota: DMK
Siłaviki zatrymali ŭ Minsku biełarusa, jakomu pryznačałasia pasyłka. U jaho znajšli ceły arsienał — strałkovaja ahniastrelnaja zbroja, 30 sastaŭnych častak zbroi, zvyš 950 adzinak bojeprypasaŭ.
Raspačataja kryminalnaja sprava, siłaviki šukajuć inšych datyčnych da abarotu zbroi.
Siłaviki raskazali, jak im udałosia znajści abvinavačanaha ŭ žorstkim zabojstvie ŭ Sierabrancy