U łahatypie handlovaj marki znajšli padabienstva z nacysckaj simvolikaj
U łahatypie handlovaj marki Supcable, jakaja śpiecyjalizujecca na prodažy maładziožnych adzieńnia i abutku, vytvorčaść jakich naładžanaja ŭ krainach Azii, prakuratura Homielskaj vobłaści znajšła padabienstva z nacysckaj simvolikaj. U Biełarusi tavar pad hetym brendam pradajecca praz markietplejsy i indyvidualnych pradprymalnikaŭ.
12.09.2024 / 17:32
«Vyjava łahatypa mieła vidavočnaje padabienstva z vyjavaj emblemy Nacyjanał-sacyjalistyčnaj rabočaj partyi Hiermanii, jakaja stała ŭ 1935 hodzie aficyjnym hierbam Treciaha Rejcha i ŭjaŭlała saboj čornaha arła z raspaściortymi kryłami, jaki trymaŭ u łapach stylizavany dubovy vianok sa svastykaj u centry. Hetaja emblema ŭklučanaja ŭ pieralik nacysckaj simvoliki i atrybutyki, ustalavany pastanovaj Ministerstva ŭnutranych spraŭ ad 28.10.2022 №271», — adznačyli ŭ prakuratury.
Adzinaje adroźnieńnie łahatypa handlovaj marki ad vyšejapisanaha — aroł trymaje ŭ łapach kruh z nadpisam skaročanaj nazvy brenda Sup.
Paśla pravierak byŭ vyniesieny vierdykt: u łahatypie «ŭhledžanyja prykmiety prajavy ekstremizmu».
U vyniku sud Centralnaha rajona Homiela pryznaŭ infarmacyjnuju pradukcyju ekstremisckim materyjałam.
Pradstaŭnika homielskaha praŭładnaha prafsajuza sudzili za raspaŭsiud ekstremizmu
Kiraŭnicu adździeła markietynhu piacizorkavaha hatela sudziać za pratesty i dapamohu palitviaźniam
U Hrodnie chočuć pryznać niesapraŭdnym prodaž jašče adnoj kvatery