Staŭ viadomy prysud pa spravie hibieli babrujskaha doktara, jakoha źbiŭ pjany kiroŭca
Trahiedyja adbyłasia ŭ červieni ŭ Babrujsku. Doktar-ankołah Siarhiej Nikicin, hulajučy pa žyłoj zabudovie horada, byŭ źbity 38-hadovym kiroŭcam Opel.
13.09.2024 / 11:43
Paśla najezdu mužčyna ŭciok ź miesca zdareńnia, a doktar zahinuŭ na miescy.
U Babrujsku adbyŭsia sud, jaki ŭstanaviŭ, što ruch u žyłoj zonie kiroŭca ažyćciaŭlaŭ z chutkaściu 68 km/h pry dazvolenych nie bolš za 20 km/h. Nie spraviŭšysia z kiravańniem, mužčyna ździejśniŭ najezd na piešachoda, paśla čaho ŭciok ź miesca DTZ.
Sud pryznačyŭ babrujčaninu siem hadoŭ z adbyvańniem u papraŭčaj kałonii va ŭmovach ahulnaha režymu. Taksama kiroŭca pazbaŭleny pravoŭ na 8 hadoŭ. Na karyść svajakoŭ zahinułaha spahnana 150 000 rubloŭ, piša «Mahiloŭ anłajn».