У Гомелі хутка пачнуць судзіць «дыверсантаў СБУ», якіх затрымалі зімой
26 верасня ў Гомельскім абласным судзе ў закрытым рэжыме пачнуць судзіць Паўла і Сяргея Кабарчукоў.
13.09.2024 / 12:53
Ім інкрымінаваныя ч. 3 арт. 289 КК (акт тэрарызму), ч. 4 арт. 295 КК (незаконныя дзеянні ў дачыненні да агнястрэльнай зброі, боепрыпасаў і выбуховых рэчываў), арт. 358-1 КК (агентурная дзейнасць), ч. 3 арт. 333-1 КК (незаконнае перамяшчэнне праз мяжу атрутных рэчываў, агнястрэльнай зброі, боепрыпасаў, выбуховых рэчываў).
Працэс прызначаны весці суддзя Яўген Шаршнёў, піша «Вясна».
15 лютага ў Лельчыцкім раёне быў абʼяўлены рэжым «контртэрарыстычнай аперацыі». Пазней КДБ адчыталася пра затрыманне «тэрарыстаў», нібыта адпраўленых СБУ праводзіць тэракты ў Беларусі і РФ. Прапагандысты тады назвалі імёны трох затрыманых: украінцы Сяргей Кабарчук, Павел Кабарчук і жыхар Брэста Віталь Уласюк.