Ukraina vykarystoŭvaje hulniavuju prystaŭku dla vajennych metaŭ
Z dapamohaj partatyŭnaj hulniavoj sistemy Steam Deck dystancyjna kirujuć kulamiotnymi sistemami na poli boju.
13.09.2024 / 17:11
Vykarystańnie hulniavoj kansoli Steam Deck dla dystancyjnaha kiravańnia bajavymi turelami. Fota: skryn videa United24media / Ch
Ab niezvyčajnym vykarystańni partatyŭnaj kansoli Steam Deck, jakaja vykarystoŭvajecca dla takich papularnych videahulniaŭ, jak Halo, Elden Ring i Stardew Valley, paviedamlaje Business Insider.
«Miarkujučy pa ŭsim, Ukraina vykarystoŭvaje vielmi papularnuju sistemu videahulniaŭ dla niezvyčajnaj mety: dystancyjnaha kiravańnia bajavymi turelami. Vykarystańnie płatformy Steam Deck dla kiravańnia bieśpiłotnymi kulamiotnymi sistemami padkreślivaje ŭpłyŭ sučasnych technałohij na vajnu va Ukrainie», — adznačana ŭ publikacyi.
Aŭtar materyjału spasyłajecca na videa, jakoje ŭ sacyjalnych sietkach raspaŭsiudziła ŭkrainskaja dziaržaŭnaja płatforma United24 Media.
U videa adznačajecca, što kansol vykarystoŭvajuć dla dystancyjna kirujemaj bajavoj tureli «Šabla», jakaja była raspracavana ŭkrainskimi inžynierami i ŭchvalenaja dla vykarystańnia i sieryjnaj vytvorčaści ŭ pačatku hetaha hoda. Hetaja sistema — adzin ź pieršych robataŭ na pieradavoj, jaki pryznačany dla ŭtrymańnia, naviadzieńnia i stralby z kulamiotaŭ.
Vykarystańnie takoj sistemy dazvalaje trymać bajcoŭ dalej ad bajavych dziejańniaŭ, ratujučy ich žyćcio. Akramia hetaha, «Šabla» abstalavana ciepłavizaram i kamierami z šyrokim vuhłom ahladu dla vyznačeńnia miesca znachodžańnia voraha i nacelvańnia na jaho. Jana moža stralać na adlehłaść da 5 kiłamietraŭ.
Aŭtar udakładniaje, što ŭpieršyniu infarmacyja ab vykarystańni Steam Deck u bajavych dziejańniach źjaviłasia jašče ŭ minułym hodzie.
Ukraina stvaryła ŭłasnuju vysokadakładnuju bombu
USU ŭpieršyniu ŭžyli suprać rasijskaj armii lotajučy aŭtamat Kałašnikava