«Nichto nie zmoh zavieźci tavar». Kramy polskaha abutku Wojas usio ž zakryvajucca
Kramy polskaha abutku Wojas, jakija jašče viasnoj byli nastrojenyja praciahnuć pracu ŭ Biełarusi, 29 vieraśnia ŭsio ž taki kančatkova začyniajucca, piša vydańnie «Smartpres».
13.09.2024 / 18:08
Fota: «Smartpres»
«Zasnavalnik — polski bok — pryniaŭ rašeńnie. 29 vieraśnia — apošni pracoŭny dzień dźviuch kram: u HC Expobel i ŭ GreenCity. U HC «Zamak» krama ŭžo zakrytaja», — paviedamili «Smartpresu» ŭ kampanii.
«My sprabavali atrymać kvoty ad Biellehprama, ale rehulatar kvoty letam nie vydaŭ. Niama tavaru i niama mahčymaści zavieźci tavar. My sprabavali, i zasnavalniki sprabavali. Ale, na žal, u suviazi z sankcyjami niama mahčymaści praciahvać pracu», — rastłumačyli ŭ kampanii «Vojas Bieł».
Nieraspradadzienyja da 29 vieraśnia reštki abutku i hałantarei buduć viernutyja nazad u Polšču. Heta standartnaja pracedura ŭ kancy kožnaha siezonu, ale hetym razam jość niuans.
U kampanii taksama adznačyli, što anałahičnaja situacyja va ŭsich pradaŭcoŭ polskaha abutku: «Nichto nie zmoh zavieźci tavar».
Jak raniej paviedamlałasia, urad Biełarusi ŭ ramkach kontrsankcyj unios abutak u śpis tavaraŭ, jakija nielha ŭvozić z Polščy, Łatvii, Litvy, Čechii i Estonii. Abnoŭlenaja pastanova Saŭmina ad 6 śniežnia 2021 hoda №700 ustupiła ŭ siłu z 23 maja.
Kramy polskaha abutku ŭ Minsku začyniacca nie buduć
U Biełarusi začyniajucca kramy polskaha abutku. Pryčyny — zabarona na ŭvoz tavaraŭ
Ministr infarmacyi: U Biełarusi pakul nie płanujecca zakryvać YouTube