U Viciebsku za «raspaŭsiud ekstremizmu» znoŭ sudzili «Čałavieka hoda Viciebščyny». Jon taki ŭžo piaty
Učora ŭ sud Čyhunačnaha rajona Viciebska, kab sudzić za «raspaŭsiud ekstremizmu», byŭ vyklikany Dzianis Jakaŭleŭ, hałoŭny zachavalnik fondaŭ viciebskaha muzieja Minaja Šmyrova. U 2022 hodzie jamu było prysvojena zvańnie «Čałaviek hoda Viciebščyny» ŭ naminacyi «Sacyjalnaja śfiera», piša «Viciebskaja viasna».
13.09.2024 / 23:01
Dzianis Jakaŭleŭ
Sioleta «Čałavieka hoda Viciebščyny» sudziać upieršyniu, ale ŭvohule hety vypadak užo piaty. Letaś pa «narodnaj administratyŭcy» č. 2 art. 19.11 KaAP pakarali troch čałaviek z takim zvańniem (Illa Šandalesaŭ, Tamara Džumantajeva, Alaksandr Hančaroŭ), a pazaletaś — adnaho (Vitold Jermalonak). Paśla hetych ludziej, niahledziačy na aŭtarytet i byłyja zasłuhi, jašče i zvalniali z pracy.
Dzianis Jakaŭleŭ adpracavaŭ u miemaryjalnym muziei Hieroja Savieckaha Sajuza Minaja Šmyrova bolš za 16 hadoŭ. Aprača svaich niepasrednych pracoŭnych abaviazkaŭ, jon źjaŭlajecca viadomym u horadzie papularyzataram historyi «Vialikaj Ajčynnaj vajny». Jakaŭleŭ składaje kvesty dla padletkaŭ pa tahačasnych padziejach, pravodzić imprezy ŭ muziei i ŭ navučalnych ustanovach.
Pavodle č. 2 art. 19.11 KaAP RB Jakaŭleva sudziła sudździa Alena Hrabiančuk. Vynik suda pakul nie viadomy, imia i proźvišča Dzianisa Jakaŭleva jašče nie źnikła z sajta muzieja.
Doktara i «Čałavieka hoda Viciebščyny» paŭtorna aryštavali na 15 sutak
Jašče adnaho «čałavieka hoda Viciebščyny» sudzili za «ekstremizm»
Supracoŭnicu Połackaha historyka-kulturnaha zapaviednika zvolnili padčas adbyćcia aryštu
Padčas chapuna ŭ Miorach zatrymana jak minimum 13 čałaviek — siarod ich «Čałaviek hoda Viciebščyny»