U Viciebsku za «ekstremizm» sudzili «čałavieka hoda»
U čaćvier u sud Čyhunačnaha rajona Viciebska byŭ vyklikany Dzianis Jakaŭleŭ — hałoŭny zachavalnik fondaŭ viciebskaha muzieja Minaja Šmyrova. Zvańnie «Čałaviek hoda Viciebščyny» jamu było nadadziena ŭ 2022 hodzie, piša «Viciebskaja viasna».
14.09.2024 / 08:11
Dzianis Jakaŭleŭ adpracavaŭ u miemaryjalnym muziei Hieroja Savieckaha Sajuza M.F.Šmyrova bolš za 16 hadoŭ. Aprača svaich niepasrednych pracoŭnych abaviazkaŭ, jon źjaŭlajecca viadomym u horadzie papularyzataram historyi Vialikaj Ajčynnaj vajny. Dzianis Jakaŭleŭ składaje kvesty dla padletkaŭ pa tahačasnych padziejach, pravodzić imprezy ŭ muziei i ŭ navučalnych ustanovach
Viciebski abłvykankam uhanaravaŭ jaho zvańniem «Čałaviek hoda Viciebščyny»— 2022 u naminacyi «Sacyjalnaja śfiera».
Pavodle č.2 art. 19.11 KaAP RB jaho sudziła sudździa Alena Hrabiančuk. Vynik sudu nie viadomy, pakul imia i proźvišča Dzianisa Jakaŭleva nie źnikła z sajta muzieja.