Ноччу ў Беларусь заляцеў чарговы «шахед»
Мінулай ноччу каля 04:10 дрон-камікадзэ тыпу «шахед» перасёк мяжу з Беларуссю ў раёне Лоева і правёў у паветранай прасторы нашай краіны каля 30 хвілін, паведамляе Беларускі Гаюн.
14.09.2024 / 11:59
Дрон рухаўся заходнім курсам, а далей павярнуў на паўднёвы ўсход і вярнуўся на тэрыторыю Украіны. Ён паляцеў у раён Славуціча, дзе быў заўважаны ўжо ў 05:05.
У небе над Гомельшчынай дзяжурыў знішчальнік ВПС Беларусі, які быў узняты з аэрадрома Баранавічы каля 03:40.