Rabaŭ raskazaŭ pra nadvorje na nastupnym tydni
Leta vyrašyła zatrymacca ŭ Biełarusi. Prachałodnyja nočy i ciopłyja dni stvorać kamfortnyja ŭmovy. Tempieratura čakajecca na 4-6 ° S vyšej za normu. Pra heta ŭ efiry «Mieteahid» raskazaŭ sinoptyk Dźmitryj Rabaŭ.
15.09.2024 / 08:53
U pačatku tydnia abydziecca biez daždžoŭ. U načny i ranišni čas buduć zhuščacca niepraciahłyja tumany. Vilhotnaść da 60 pracentaŭ. Unačy ad +11 da +17°S, dniom u paniadziełak +26…+29°S, u aŭtorak da +28°S.
U siaredzinie tydnia adabjecca ŭpłyŭ antycykłonu z centram nad Bałtyjskim moram. Bieź istotnych apadkaŭ. Viecier uschodni, umierany. Vilhotnaść da 40 pracentaŭ. Tempieratura nočču ad +10 da +15°S, dniom +25 … +28°S.
Papiarednie, u pačatku druhoj pałovy tydnia ŭmovy nadvorja praciahnie farmavać vobłaść vysokaha atmaśfiernaha cisku, jakaja zachavaje pieramiennuju vobłačnaść, pa-raniejšamu biez daždžoŭ. Vilhotnaść da 40 pracentaŭ. Viecier uschodni, paŭdniova-ŭschodni, umierany. Unačy ad +9 da +14°S. Dniom u čaćvier +24 … +27°S, u piatnicu +19 … +24°S.
U vychadnyja — pieramiennaja vobłačnaść, abydziecca bieź istotnych apadkaŭ. Unačy i ranicaj miescami tuman, bačnaść da paŭkiłamietra. Viecier uschodniaj čverci, umierany. Vilhotnaść da 70 pracentaŭ. Unačy +11 … +17°S, u siaredzinie dnia ŭ subotu +22 … +26°S, u niadzielu +23 … +27°S.