Rasija ŭdaryła pa Charkavie i trapiła ŭ šmatpaviarchovy dom — paciarpieli 33 čałavieki
Žychary horada čuli cełuju sieryju vybuchaŭ.
15.09.2024 / 16:36
Fota: telehram-kanał Uładzimira Zialenskaha
Rasijskija vojski nanieśli ŭdar pa Charkavie. Adna z avijabomb patrapiła ŭ šmatpaviarchovy žyły dom.
Udar pryjšoŭsia na dziasiaty pavierch, pačaŭsia mocny pažar na čatyroch pavierchach — ź dzieviataha pa dvanaccaty.
Pavodle apošnich źviestak, paciarpieli 33 čałavieki, siarod ich jość dzieci. Vyratavalnaja apieracyja praciahvajecca.
Načalnik palicyi Charkaŭskaj vobłaści Uładzimir Cimoška raspavioŭ, što Rasija ŭžyła dla ŭdaru pa Charkavu, chutčej za ŭsio, fuhasnuju avijabombu.
«Zachod byŭ ździejśnieny taktyčnaj avijacyjaj z rajona Biełharada, pa horadzie pakul zafiksavana adno trapleńnie ŭ šmatpaviarchoŭku. Pakul my nie zafiksavali nivodnaha zahinułaha, niekalki čałaviek u ciažkim stanie, papiarednie, jość paranienyja dzieci», — cytuje Cimošku «Suśpilnie Charkiv».
Pavodle kiraŭnika palicyi, siarod dziaciej ciažkaparanienych niama.